بسم الله الرحمن الرحيم رمضان كريم اعاده الله علينا وعلى الامه الاسلاميه جمعا وبعد كلام رباطاب : رباطابى ولدو اتفلق فى راسه وكان الوقت ليل مناخر شويه ساقو وراح العياده الدكتو عاين ليهو كدى وقال كان تجى بدرى شويه ياحاج .عمك ردى بدرى متين قبل مايتفلق ++=++
رباطاب قاعدين يحفرو فى قبر فى المغابر جاء واحد قال ليهم السلام ردو السلام قال ليهم خير مالكم قالو ليهوعندنا واحد مات قال ليهم مات هنا والله خبر قالو ليهو خبر قال ليهم سمح بى تحفرو ليه قالو دايرين ندفن التلفون
++=++
فى جماعه يحفرو فى المقابر وعنقريب الجنازه جنبهم قاليك جاء واحد مارى وقال ياجماعه ان شاء الله خير بى تحفرو مالكم الرباطابى ردى عليه قال خير بى نحفر فى صارقيل
++=++
رباطابى عندو فرن جاهو واحد شحاد قال ليهو لى يومين ماضقت طعم الرغيف قاليهو ياهو طعمو زاتو ماتغير
++=++
رباطابى جاء الخرطوم لحضور زواج وكان متوقع فى العشاء مالذ وطاب من الصوانى الكبيره زى البلد المهم وقت العشاء عمك جابو ليهو صحن ورق وحاجه بارده وبعد ما اكل لمو منو الفاضى عمك مارضيان قال العرس فى الخرطوم زى امتحان الشهاده جابو الورق ولمو الورق
++=++
فى مدرسه من المدارس فيها حمار اتعود يحك راسه فى شباك احد الفصول الاستاذ قال لى الطلبه الحمار دى بى يجى هنا عندو ولد عم هنا والله شنو رد تلميذ رباطابى والله يااستاذ مابى يجى الافى حصتك
++=++
واحدراكب فى حمار وشاف ليك بت وقال يشاغلها اتارى البت رباطابيه اتوكل وقاليها اول مره اشوف لى بت حلوه زى كدى ردت البت وانا اول مره اشوف حمار طابقين
موضوع: نكات وحكاوى الرباطاب 
الإثنين سبتمبر 01, 2008 3:14 am
