نكات مقروءة

في ولد رباطابي مسيخ جدا
فهو كان قاعد في الفصل والاستاذ بيشرح
في حمار وقف جنب الشباك قام الاستاذ قال :
الحمار ده جاء للفصل معناه عنو اخو قاعد هنا
قام الولد قال ليه :
يا استاذ الحمار ده ما جانا الا في حصتك
2
ولد من الرباطاب شاف ليه فأر , قال لأبوهو شوف الفأر دا واكبرو , وا كبرو !!!
أبوهو قال ليهو شايفنى كديس ؟؟
الولد قال لأبوهو أول أنا قتلك أكلو ؟؟؟؟؟
3
قالوا رباطاب قاعدين يحفروا في قبر في المقابر .. جاء واحد قال ليهم السلام عليكم
قالوا ليه عليكم السلام .. قال ليهم خير مالكم .. قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه ..
قالوا ليه دايرين ندفن التلغراف .
4
رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو
5
واحد رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق
6
رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
7
رباطابي عنده فرن جاهو مسكين قال ليهو ( لي يومين ما ضقت طعم الرغيف ) الرباطابي قال ليهو : ( ياهو طعمو زاتو ما اتغير ) .
8
قالوا رباطابي ببيع خرفان .. جاهو واحد إشتره منه خروف .. وبعد مارفع الخروف في العربية .. رجع للرباطابي وقال ليه وين القش بتاع الخروف ..
الرباطابي قال ليه أنا بعته ليك مكيف .
9
قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم
10
رباطابي جزار جاو واحد قال ليهو عايز راس نيفة بس صلحو كويس فردعليهو اصلحو كيف يعني البسو نظارة
11
قالو فى واحد راكب القطر و شايل ديك و احد سالو ماشي تبيعو قالو لا ماشي اغير نغماتو
12
رباطاب بيحفروا فى المقابر مر عليهم واحد وسألهم
عوافى ان شاء الله خير
قال ليهو خير بنطلع فى صارقيل
13
رباطابى خفير على المقابر مرق يتمشى وجاء المسئول لقاهو مافى
قال ليهو
كيف تخلى المقابر فاتحة وتمشى ؟
قال ليهو مالهم لقيتم ناقصين ما كل يوم ذايدين
14
رباطابى قاعد فى القيف ولامى السمك قدامو بعد ان تعب فى اصطيادو جاهو واحد سألوا :
السمك دا قبضتو ؟
قال ليهو لا سلم نفسه
15
رباطابى مسافر فى محل الفطور لقى صحبوا فى البص وصاحبه سألوا ؟
انت معانا فى البص ؟
قال ليهو لا جيت اودع وراجع
16
قال ليهو دى عين ولا غين
17
رباطابى شاف واحد شنبو كبير بالجنبات وفى النص خفيف
قال ليهو دا شنب ولا بيت شعر
18
واحد من الفنانين (فنانى الحفلات) سأل الرباطابى
ملك كملت من لحم الدنيا ؟
قال ليهو ما قاعد اكل عن اهلى
19
رباطابى مشى لبتاع الدكان وكان عايز ليهو صابونة وامواس وصاحب الدكان سمعو تقيل يعن نص اطرش كدة
الرباطابى : ادينى صابونة وامواس
صاحب الدكان قام طوالى ناولو استيكة وكراس وقال للرباطابى اديك بالباقى شنو؟
الرباطابى :ادينى بيهو حصة املاء
20
قالوا واحد راكب حمار شاف ليهو بت رباطابية سمحة عجبتو داير يشاغل ، قال ليها أول مرة اشوف لي بت رباطاب سمحة كدي ، رفعت عينها حدرت ليهو ، قالت ليه : وانا أول مرة اشوف لي حمار طابقين !!
21
"قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". اخوك اتغاظ قال ليهو "نقول ما بتشوف, ما بتضوق؟؟؟؟